لە دوو رۆژی داهاتوودا لیستی مووچەی مانگی 7 ڕەوانەی بەغدا دەکرێت

SNN

وا بڕیارە وەزارەتی دارایی و ئابووری حکومەتی هەرێمی کوردستان لە ماوەی دوو رۆژی داهاتوو لیستی مووچە بە کاغەز و سیدی ڕەوانەی وەزارەتی دارایی عێراق بکات.

سەرچاوەیەک لە وەزارەتی دارایی و ئابووری ئەوەی بۆ میدیاکان ئاشکرا کردووە، دوێنێ چوارشەممە یەکەی ژمێریاریمان ڕاسپاردووە بۆ ئەوەی هەموو ئامادەکارییەک بکەن، بۆ ئەوەی ئەگەر ڕۆژی پێنجشەممە فریاکەوتین لیستی مووچەی مانگی حەوت بە کاغەز و سیدی ڕەوانەی بەغدا بکەین”.

ئاماژە بەوەشکراوە، ئەگەر وەزارەتی دارایی ئەمڕۆ فریانەکەوت، ڕۆژی شەممە لیستی مووچەی مانگی حەوت ڕەوانەی بەغدا دەکات بۆ ئەوەی ڕۆژی یەکشەممە وەزارەتی دارایی عێراق کاری لەسەر بکات.