جپسی پەتاتە بۆ سعودییە و ئوردن هەناردە دەکەین

SNN

محەمەد شوکری سەعید، سەرۆکی دەستەی وەبەرهێنانی کوردستان، ئەمڕۆ پێنجشەممە، 18ی تەمموز، بە میدیاکانی راگەیاند: دەستکراوە بە ئامادەکاری لە نێوان حکومەتی هەرێمی کوردستان وڵاتی سعودییە و ئوردن، تا جپسی پەتاتە بۆ ئەو دوو وڵاتە هەناردە بەکەن.

سەرۆکی دەستەی وەبەرهێنانی کوردستان ئەوەشی روونکردنەوە، لە قەزای قوشتەپەی سەر بە پارێزگای هەولێر، پەتاتەکە بەرهەمدەهێندرێت و هەر لەوێش لە کاریگەی تایبەتدا بەتاتەکە دەکرێت جپسی پەتاتە، واتا تەواوی پرۆسەکە و لە پاکەتنانیشی لە نێو خودی هەرێمی کوردستان دەکرێت، بەشێکی زۆریش لە پەتاتەکە هەناردەی دەرەوەی هەرێم دەکرێت.

وتیشی” لەم پرۆسەتەدا دەستەی وەبەرهێنانی کوردستان و وەزارەتی کشتوکاڵ و سەرچاوە ئاوییەکانی هەرێم، رۆڵی گرنگیان هەیە لە پاشپشتی جوتیاران و ئەو کارگانەی کە جپسی پەتاتە دروستدەکەن، تا بەرهەمەکان بە باشترین شێوە ئاراستەی دەرەوەی وڵات دەکرێت.”