شارەزایەکی کەشناسی: گەرمترین ماوەی هاوینمان بەڕێکرد

SNN-

وەزارەتی گواستنەوە و گەیاندن کەشوهەوای 48 کاتژمێری داهاتووی بڵاوکردەوە و ڕایگەیاند، ئەمڕۆ و سبەینێ ئاسمان ساماڵ دەبێت، شارەزایەکی کەشناسیش دەڵێت:”گەرمترین ماوەی هاوینمان بەڕێکرد”.

وەزارەتی گواستنەوە و گەیاندنی حکومەتی هەرێمی کوردستان رایگەیاند، ئەمڕۆ و سبەینێ ئاسمان ساماڵ دەبێت، پلەکانی گەرما هاوشێوەی ڕۆژانی ڕابردوو دەبێت، خێراى با لەسەرخۆ بۆ مامناوەند دەبێت.

هەروەها ئاراس جەبار، شارەزای کەشناسی ڕایگەیاند، پلەی گەرمی مانگی ڕابردوو ( تەمموز ) لە ئاست تێکڕاییەکان بووە، بەراورد بە ناوەندی پلەی گەرمی 1991-2020 لە ناوچەکانی ھەرێمی کوردستان.

ئاماژەی بەوەکرد، ساڵی ڕابردوو مانگی ئاب بەرزترین پلەی گەرمی ھاوینی تێدا تۆمارکرا لە ناوچەکانمان، لە ماوەی نێوان 9/8 بۆ 14/8 بۆ ئەمساڵ و ئەم مانگە پێشبینی شەپۆلێکی بەو شێوە بەھێزە ناکرێتەوە و دەتوانین بڵێن گەرمترین ماوەی ھاوینمان لە مانگی ڕابردوودا بەرێکردووە، ئەوەی ماوەتەوە و پێشبینی دەکرێت گەرمای ھاوینەیی بەشێوەیەکی ئاسایی بۆ ئەم مانگە بەردەوامی دەبێت و باشتر دەبێت لە مانگی ئابی 2023

بەرزترین پلەکانی گەرمای پێشبینیکراو بە پلەی سیلیزی :

هەولێر: 42

سلێمانی: 41

دهۆک: 41

کەرکوک: 43

هەڵەبجە: 43

زاخۆ:42

سۆران: 40

حاجی ئۆمەران: 30

گەرمیان : 45