داهاتی ئەم هەفتەیەی سلێمانی زیاتر لە 22 ملیار دینار بووە

SNN-

ماڵپەڕی شەفافییەت بۆ چاودێری و رێکخستنی داھاتە نانەوتییەکان بڵاویکردەوە لەم هەفتەیەدا داهاتی نانەوتی سنووری پارێزگای سلێمانی زیاتر لە 22 ملیار و 629 ملیۆن دینار بووە.

ماڵپەڕی شەفافییەت بۆ چاودێری و رێکخستنی داھاتە نانەوتییەکانی پارێزگاکانی سلێمانی، ھەڵەبجە و ھەردوو ئیدارەی راپەڕین و گەرمیان، داھاتی ئەم هەفتەیەی بڵاوکردووەتەوە و دەڵێت:” لە27ی تەمووز تاوەکو ئەمڕۆ 2ـی ئاب، بڕی داهات 22 ملیار و 629 ملیۆن و 955 هەزار و 766 دیناربووە”.

ماڵپەڕەکە ئاماژەی بەوەشکردووە کە داهاتی ئەم هەفتەیە بڕی 22 ملیار و 50 ملیۆن و 37 هەزار دیناری بەشێوەی نەختینە بووە کە دەکاتە 97٪ و 579 ملیۆن و 647 هەزار و 334 دینار بەشێوەی چەک بووە و ئەوەی دیکەشی 270 هەزار و 500 دینارە بەشێوەی مقاسە بووە.

ئەوە لە کاتێکدایە کە لە 20ی تەممووز تاوەکو 26ی تەممووز داهاتی سلێمانی 20 ملیار و 182 ملیۆن و 932 هەزار و 625 دیناربووە، بۆیە داهاتی ئەم هەفتەیە دوو ملیار و 447 ملیۆن و 23 هەزار دینار زیادیکردووە.