مانگی داهاتوو دیبەیتی نێوان كامالا هاریس و دۆناڵد ترەمپ بەڕێوەدەچێت

SNN-

دۆناڵد ترەمپ، کاندیدی کۆمارییەکان بۆ سەرۆکایەتی ئەمریکا لە تۆڕی کۆمەڵایەتی تروس، بڵاوی کردەوە کە لەگەڵ تۆڕی هەواڵی فۆکس نیوز رێککەوتوە بە مەبەستی ئەنجامدانی دیبەیتێک لەگەڵ کامالا هاریس، جێگیری سەرۆکی ئەمریکا.

ترەمپ ئاماژەی بەوەشکردوە، دیبەیتەکە لە چواری مانگی ئەیلول ساز دەکرێت، هاوشێوەی دیبەیتەکەی پێشوتری دەبێت کە ڵەگەڵ جۆ بایدن ئەنجامیداوە و بەشێوەیەکی داخراو و دوور لە جەماوەر ئەنجامدەدرێت.

هاریس مانگی ڕابردو، دوای کشانەوەی جۆ بایدن رایگەیاند، ئامادەیە بۆ ئەجامدانی هەر دیبەیتێک لەگەڵ دۆناڵد ترەمپ ئەگەر هاتوو وەک کاندیدی دیموکراتەکان دیارییکرا.