“پارتى و كوتله‌ى عه‌ره‌بى له پیرمام له كۆبوونه‌وه‌دان و ده‌یانه‌وێت پارێزگارێكى عه‌ره‌ب بۆ كه‌ركوك دابنێن”
لۆگۆى پارتى دیموكراتى كوردستان و شه‌قامێكى سه‌ره‌كى له شارى كه‌ركوك | فۆتۆ: KirkukNow
SNN
كوتله‌ى عه‌ره‌بى ئه‌نجوومه‌نى پارێزگاى كه‌ركوك و پارتى دیموكراتى كوردستان له پیرمام له كۆبوونه‌وه‌دا به‌مه‌به‌ستى گفتوگۆكردن له‌سه‌ر دانانى پارێزگارێكى عه‌ره‌ب بۆ كه‌ركوك.
دوێنێ شه‌ممه 3ى ئاب، كوتله‌ى عه‌ره‌بى له ئه‌نجوومه‌نى پارێزگاى كه‌ركوك له‌گه‌ڵ محه‌مه‌د شیاع سودانى، سه‌رۆكوه‌زیرانى عێراق كۆبووه‌وه. كۆبوونه‌وه‌كه هاوكات بوو له‌گه‌ڵ كۆبوونه‌وه‌ى سه‌رۆكوه‌زیران له‌گه‌ڵ سه‌رجه‌م كوتله‌كانى ئه‌نجوومه‌نه‌كه.
به‌پێى زانیارییه‌كانى SNN، “کوتلەی عەرەبی بە سەرۆکایەتی راکان جبوری، کوتلەی بەرەی تورکمانی لە هەولێر ( پیرمام ) لەگەڵ پارتی لە کۆبوونەوەدان و وابڕیارە بگەنە رێکەوتن لەبارەی پارێزگاری کەرکوک کە بۆ عەرەب بێت”.
هه‌ر به‌پێى زانیارییه‌كان، “پارتی ئامادیی رێککەوتنی دەربڕیوە بۆئەوەی ئەو پۆستە بۆ عەرەبەکان بێت”.
كۆبوونه‌وه‌ى ئه‌مڕۆى پارتى دیموكراتى كوردستان له‌گه‌ڵ هه‌ردوو كوتله‌ى توركمان و عه‌ره‌ب له‌كاتێكدایه كه پێشتر پارتى دیموكراتى كوردستان كاندیدى خۆى بۆ پۆستى پارێزگارى كه‌ركوك ئاشكرا كردووه كه كورده و ناوى دڵشاد پیرۆت-ه.
