“هیچ پرۆژهیهكى نیشتهجێبوون لهسهر گۆیژه دروستناكرێت”
شاخى گۆیژه له شارى سلێمانى پاش سووتانى بهشێكى | فۆتۆ: SNN
SNN
سهرۆكایهتى شارهوانى سلێمانى رهتیدهكاتهوه كه هیچ پرۆژهیهكى نیشتهجێبوون له شاخى گۆیژه دروستبكرێت و دهڵێت: هیچ پلان و بڕیارێك لەئارادا نییە لهو بارهیهوه.
ئهمڕۆ دووشهممه 5ى ئاب، سهرۆكایهتى شارهوانى سلێمانى روونكردنهوهیهكى لهبارهى ههبوونى پلان بۆ دروستكردنى پرۆژهى بازرگانى یان نیشتهجێبوون لهسهر شاخى گۆیژه بڵاوكردهوه و رایگهیاند، “چەند رۆژێكە لەدوای سووتانی بەشێك لە شاخی گۆیژە، هەندێك پەیج و ڕاگەیاندنی نا رەسمی باس لە ئەنجامدانی پڕۆژەی وەبەرهێنانی نیشتەجێبون دەكەن، لە سەر ئەو شاخە و دامێنی شاخەكە كە دارستانی رەسمییە و ساڵانە خزمەت دەكرێت، ئهمه دوور له راستیهوه”.
له بهشێكى ترى روونكردنهوهكهى سەرۆكایەتیی شارەوانیی سلێمانیدا ئاماژه بهوهكراوه، “ئاگاداری هاوڵاتیان دەكەن و رایدەگەیەنین، هیچ پلان و بڕیارێك لەئارادا نییە بۆ ئەنجامدانی پڕۆژەی نیشتەجێبون لە شاخی گۆیژە، ئەو دەنگۆیانەی كە باسی لێوە دەكرێت هیچ بنەمایەكی راستی و دروستیان نییە”.
دوێنێ یهكشهممه پۆلیسى سلێمانى كهسێكى به تۆمهتى تێوهگلان له كردنهوهى ئاگر لهسهر شاخى گۆیژه دهستگیر كرد. هاوكات ئاوات محەمەد، قائیمقامی سلێمانی وتى: “سێ ئاگر لهسهر چیاى گۆیژه و ئهزمڕ كهوتووهتهوه و له ئهنجامدا زیاتر لە 400 دۆنم زەوی و 19 هەزار دار لەئاگرەكەی گۆیژە سووتاون”.
