تورکیا بەنیازی کردنەوەی پێنج بنکەی سەربازی نوێ لە هەرێم دروستبکات
SNN
تورکیا پێنج بنکەی سەربازی نوێ لەناوچەکانی ئۆپراسیۆنە سەربازییەکەی لە ھەرێمی کوردستان دروستدەکات.
رۆژنامەی یەنی شەفەقی تورکی بڵاویکردەوە، دوای تەواوکردنی گەڕان و پشکنین لە ناوچەی ئۆپراسیۆنی چنگ- قفڵ لە ھەرێمی کوردستان، سوپای تورکیا پێنج بنکەی سەربازی نوێ دروستدەکات.
ئاژانسەکە ئاماژەی بەوەشدا، ئۆپراسیۆنی چنگ_قفڵ بۆ بە ئامانجکردنی پەکەکە لە ھەرێمی کوردستان بەردەوامە و پێشکەوتنی بەرچاو لە ئۆپراسیۆنی ھێزەکانی تورکیا بۆ داخستنی تەواوی ئەو ناوچانەی ئۆپراسیۆنەکە دەیانگرێتەوە بەدیھاتووە، ھەڵمەتەکانی گەڕان و پشکنینیش لەو ناوچانەی ئۆپراسیۆنەکە ئەنجامدراوە بەردەوامە، لەپێناو دروستکردنی ناوچەی ئارام.
بەپێی ئاژانسەکە، توێژینەوە و لێکۆڵینەوە سەبارەت بە ناوچەکان کراوە و لە ئێستادا لانی کەم پێنج بنکەی سەربازی نوێ لە ھەرێمی کوردستان بنیاتدەنرێن.
