کازمی سیڤی کاندیدانی حەوت وەزارەت دەخاتە بەردەم پەرلەمان

SNN

بڕیارە ئەمڕۆ مستەفا کازمی سیڤی کاندیدانی حەوت وەزارەتی عیراق بخاتە بەردەم ئەنجوومەنی نوێنەران.

بەدر زیادی، ئەندامی ئەنجوومەنی نوێنەرانی عێراق، لە هاوپەیمانی سائیرون بە میدیاکانی رایگەیاند، ئەمڕۆ سێشەممە، سیڤی کاندیدانی حەوت وەزارەتی كابینەی مستەفا کازمی دەخرێتە بەردەم ئەنجوومەنی نوێنەران، بۆ ئەوەی لە کۆبوونەوەی رۆژی چوارشەممەی داهاتوودا، بخرێنە دەنگدانەوە.

لە 7ی ئایار، بە زۆرینەی دەنگ پەرلەمانی عێراق دەنگی بە بەشێك لە پێكھاتەی كابینەی نوێی حكومەت دا، بەڵام تا ئێستا حەوت وەزارەتی کابینەکە بێ وەزیرن.

ئەو وەزارەتانەی کە تا ئێستا وەزیریان بۆ دیاری نەکراوە بریتین لە هەریەکە لە وەزارەتەکانی بازرگانی، داد، کۆچ، دەرەوە، نەوت، رۆشنبیری, کشتوکاڵ.