سزای لەسێدارەدان بەسەر زیاتر لە سێ هەزار چەکداری داعشدا سەپێندراوە

SNN

سەرچاوەیەکی ئەمنی عێراق رایگەیاندووە، زیاتر لە سێ هەزار چەکداری داعش لە عێراق سزای لەسێدارەدانیان بەسەردا سەپێندراوە.

ئەو سەرچاوەیە بە ماڵپەڕی روسیا تودەی راگەیاندووە، لە چەند ساڵی رابردوودا سزای لەسێدارەدان بەسەر زیاتر لە سێ هەزار چەکداری داعشدا سەپێندراوە، بەڵام تا ئێستا جێبەجێ نەکراوە.

راشیگەیاند، بەشێکی لەو تاوانبارانەی داعش ئەوانەن کە ساڵی رابردوو لەلایەن هێزەکانی سوریای دیموکراتەوە رادەستی عێراق کراون.

لەدوای کۆنتڕۆڵکردنی ناوچەکانی ژێر دەستی داعش دادگاکانی عێراق دەستیان بە دادگاییکردنی ئەو تۆمەتبارانە کردووە و تا ئێستا هەزاران تۆمەتبار بە سزا گەیەندراون، لەلایەکی دیکەوە تیمی لێکۆڵەری تایبەتی سەر بە نەتەوەیەکگرتووەکان ماوەی چوار ساڵە بەڵگە لەسەر تاوانەکانی داعش کۆدەکاتەوە تا رووبەڕووی تاوانی دژ بە مرۆڤایەتی و تاوانی جەنگ و جینۆسایدیان بکاتەوە.