“31 بهرپرسى باڵاى عێراق دادگایى دهكرێن”
دادگا و رهوتى دادوهرى | فۆتۆ: SNN
SNN
دهستهى دهستپاكى عێراق ئامارى مانگى تهمموزى چالاكیهكانى خۆى بڵاوكردهوه و ئاشكراى كرد، فهرمانى چوونهبهردهم دادوهر بۆ 31 بهرپرسى پله باڵا دهرچووە و بڕى 13 ملیار دیناریان گهڕاندووهتهوه بۆ خهزێنهى گشتى حكومهتى عێراق.
دهستهى دهستپاكى عێراق له راگهیهنراوێكدا كار و چالاكیهكانى خۆى له مانگى تهمموزدا بڵاوكردووهتهوه و كه تێیدا هاتووه، “مانگى رابردوو پاش بهدواداچوون بۆ دۆسیهكانیان، فهرمانى چوونهبهردهم دادوهر بۆ 31 بهرپرسى پله باڵا و پێنج كهسى ترى تێوهگلاو له دۆسیهكانى گهندهڵى كه پلهیان باڵانییه دهرچووه و دۆسیهكانیان رهوانهى دادگا كراون”.
دهستهكه زانیارى زیاترى لهبارهى ئهو كهسانه خستووهتهڕوو كه فهرمانى چوونه بهردهم دادوهریان بۆ دهرچووه و دهڵێت: “دوو له تۆمهتبارهكان وهزیرى پێشووترن، یهكێكیان وهزیرى پێشووه، یهكێكیشیان ئهندامى پهرلهمانه، پارێزگارێكى پێشوو و سێ پارێزگارى پێشووتر، 14 دانهشیان بهڕێوهبهرى گشتی پێشووترن. هاوكات، لهو 31 تۆماتبارە شهش تۆمهتباریان فهرمانى دهستگیر كردنیان بۆ دهرچووه”.
لهبارهى ئهو بڕه پارهیهى كه توانیویانه بیگهڕێننهوه بۆ خهزێنهى گشتى، دهستهى دهستپاكى ئاشكراى كردووه، “توانیویانه 99 ملیار دینار كه دراوه ئاشكرا بكهن. هاوكات، سێ ملیار دینار بگهڕێننهوه بهپێى بڕیاریی دادوهر و 10 ملیار دیناریش دهستبهسهردا بگرن”.
