ئەمڕۆ شایستەی دارایی مامۆستایانی وانەبێژان خەرج دەکرێت

SNN

ئەمڕۆ شایستەی دارایی مامۆستایانی وانەبێژان لە سنوری پەروەردەکانی هەڵەبجە و سلێمانی خەرج دەکرێت.

ئەمڕۆ چوارشەممە 4ی ئەیلول، عەلی رەئوف، نوێنەری گشتی وانەبێژان رایگەیاند، ئەمڕۆ شایستەی دارایی مانگی پێنجی 2024ی مامۆستایانی وانەبێژ لە سنوری پەروەردەکانی سلێمانی و ھەڵەبجە دابەش دەکرێت.

ئاماژەی بەوەکردووە، نوێنەرایەتی دەستەی مامۆستایانی وانەبێژان بێ جیاوازی کار دەکەن و لە ھەوڵدان بۆ پەروەردەکانی ھەولێر و دھۆکیش شایستە داراییەکانی مانگی پێنج خەرج بکرێت.

ئەوەشخیستووەتە ڕوو، ژمارەی مامۆستایانی وانەبێژ لە ھەرێمی کوردستان 37 ھەزار مامۆستایە و پارەی مانگانەیان 14 ملیار دینارە.

لەلایەکی ترەوە دوێنێ سێشەممە، نوێنەری گشتی مامۆستایانی گرێبەست رایگەیاندبوو، ھەفتەی داھاتوو شایستەی وانەبێژان خەرج دەکرێت، بۆ مانگی نۆ و بۆ مانگی 10 مووچەکانیان بەشێوەی گرێبەست وەردەگرن.