تەیف سامی بۆ چارەسەری کێشەی مووچەی فەرمانبەران لە هەولێرە

SNN-

بڕیارە کاتژمێر 10:00ی بەیانی ئەمڕۆ یەکشەممە کۆبوونەوەی شاندە باڵاکەی عێراق لە هەولێر لەبارەی مووچە و کێشەی هەڵپەسێردراوەکانی نێوان هەرێمی کوردستان و بەغدا بەڕێوەبچێت.

ئێوارەی دوێنێ شەممە شاندی باڵای ئەنجوومەنی وەزاری عێراق و تەیف سامی گەیشتنە هەولێر.

وەزارەتی دارایی عێراق راگەیەنراوێکی لەبارەی ھاتنی وەفدەکەیان بۆ ھەرێم بڵاوکردەوە و رایگەیاند، لە سەردانەکەدا مافە دەستوورییەکانی ھەرێم لە دەستووری عیراقدا تاوتوێ دەکرێت.

ئاماژەی بۆ ئەوەشکرد، ھەر لە سەردانەکەدا تاوتوێی شایستە داراییەکانی ھەرێم بەگوێرەی ئەوەی رێککەوتنی لەسەرکراوە دەکرێت.

وتیشی، کێشە ھەڵپەسێردراوەکان تەوەرێکی گفتوگۆکانی وەفدەکە دەبێت لەگەڵ حکومەتی ھەرێم.