“قەبارەی بازرگانی لەنێوان پارێزگای سلێمانی و ئێران ساڵانە زیاتر لە دوو ملیار دۆلارە”
SNN-عەلی حەمە سەعید
سەرۆكی ژووری بازرگانی و پیشەسازی سلێمانی ئاشكرایدەكات كە قەبارەی بازرگانی لە نێوان هەرێمی كوردستان و عێراق ساڵانە دەگاتە شەش ملیار دۆلار لەو قەبارەیەش پارێزگای سلێمانی ساڵانە زیاتر لە دوو ملیار دۆلار قەبارەی بازرگانی هەیە لەگەڵ ئێران.
نەوزاد غەفور، سەرۆكی ژووری بازرگانی و پیشەسازی سلێمانی بە SNN-ی ڕاگەیاند: قەبارەی بازرگانی نێوان پارێزگای سلێمانی و كۆماری ئیسلامی ئێران ساڵانە دەگاتە سەروو دوو ملیار دۆلار، هاوكات بەگشتیش قەبارەی بازرگانی عێراق لەگەڵ ئێران دەگاتە نزیكەی شەش ملیار دۆلار لەساڵێكدا.
ئاماژەی بەوەشكرد، ئەو كەرەستەو كاڵایانەی كە لەنێوان پارێزگای سلێمانی و ئێران بازرگانیان پێوەدەكرێت بریتین لە بابەتی خۆراكی لە وشكە و تەڕە، هەروەها كەرەستەكانی خانووبەرە، بابەتە پلاستیكییەكان بەرهەمەكانی شیرەمەنی و چەند بەرهەم و كەرەسەتەیەكی دیكە كە ڕۆژانە پێداویستی هاووڵاتییانی سنورەكەیە و لەئێرانەوە هاوردە دەكرێن.
سەرۆكی ژووری بازرگانی و پیشەسازی سلێمانی ئەوەشی خستەڕوو، لەهەرێمی كوردستانیشەوە هەندیكە كەرەستەوكاڵا ڕەوانەی ئێران دەكرێت یاخود لە خاكی ئێرانەوە ڕەوانەی وڵاتانی دیكە دەكرین وەك قتووی بیبسی چەندین جۆری سوتەمەنی كە لە پێكهاتەی نەوت بەرهەم دەهێندرێن.
