لەسەر دۆسیەی کوشتنی نارین دایک و براکەی زیندانی کران

SNN

لەسەر دۆسییەی کوشتنی نارین گۆرانی تەمەن هەشت ساڵان دادگای تورکیا لە شاری ئامەدی باکوری کوردستان بڕیاری زیندانیکردنی بۆ هەشت کەس دەرکرد، کە دایک و برایەکی لە نێویاندان.

میدیاکانی تورکیا بڵایانکردەوە” ئەمڕۆ هەینی دوای 12 کاتژمێر لە لێکۆڵینەوەی داواکاری گشتی ئامەد لە 22 تۆمەتبارانی دۆسیەی کوشتنی نارین گوران تەمەن هەشت ساڵان، دادوەر بڕیاریدا دایکی نارین و ئەنەس گورانی برای نارین، بە تۆمەتی تێوەگلان لە ڕووداوەکە زیندانی بکرێن”.

ئاماژە بەوەشکراوە، هەر لەسەر دۆسییەی نارین شەش کەسی دیکەش بە تۆمەتی بەلاڕێدابردنی ڕووداوەکە و لەناوبردنی بەڵگەکان زیندانیکراون، هەروەها 10 کەسی دیکەیان بە بڕیاری دادوەر و بە شێوەی کاتی ئازاد کراون کە یەک لەوانە عارف گوران باوکی نارینە

نارین گوران رۆژی 21-8-2024 بێسەروشوێن بوو و رۆژی 8-9-2024 لە گوندی تاشڤانتەپە، تەرمەکەی لە توورەگەیەکدا دۆزرایەوە.