نرخی ئەمپێری مۆلیدە بۆ مانگی پێنج دیاریكرا

SNN

نرخی هەر كاتژمێرێك ئەمپێری كارەبای مۆلیدە لە مانگی رابردو (32) دینار و نیو دەبێت، هاوكات به‌پێی خشتەی پێدانی كارەبای مۆلیدە ئه‌م مانگه‌ 20 کاتژمێر كاره‌با دابین ده‌كرێت.

ئه‌مڕۆ سێشه‌ممه‌ لیژنه‌ی دیاریكردنی نرخی مۆلیده‌ ئه‌هلییه‌كان كۆبووه‌وه‌، به‌ گوێره‌ی نرخی گازوایل نرخی كاتژمێرێك ئەمپێری مۆلیدە بە (32.5) بۆ مانگی پێنج دیاریكرا، كه ‌به‌ تێكڕایی موەلیدە ئه‌هلییه‌كان لەنێوان (120) بۆ (135) کاتژمێر كاریان كردووە، بەمەش نرخی ئەمپێرێك كاره‌با لەنێوان چوار هه‌زار بۆ چوار هه‌زار و (500) هەزار دینار دەبێت و نرخی ئەمپێرێكیش لە گەڕەكێك بۆ گەڕەكێكی دیكه‌ جیاوازە.

سەبارەت بە بەرنامەی كاركردنی موەلیدەكان بۆ مانگی شه‌ش، قایمقامیەتی سلێمانی رایگەیاندووە هه‌ر كاتێك كاره‌بای نیشتمانی كوژایه‌وه‌ پێویسته‌ مۆ‌لیده‌ ئه‌هلییه‌كان كارەبا بۆ هاوڵاتیان دابین بكەن‌.

ئەوەش دووپات دەکاتەوە، پێویستە پاش كوژانەوەی كارەبای نیشتمانی (10) خولەك زیاتر بەسەر كارپێكردنی مۆ‌لیدە تێنەپەڕێت، بە پێچەوانەوە، سەرپێچیكار رووبەڕووی یاسا دەكرێتەوە.