لەسەرەتای ئەمساڵەوە 120 كۆمپانیا داوای مۆڵەتیان وەرگرتووە بۆ هەناردەكردنی كاڵا بۆ دەرەوەی هەرێم

SNN-عەلی حەمە سەعید

بەڕێوەبەری گشتی بازرگانی لەوەزراەتی بازرگانی و پیشەسازی حكومەتی هەرێم ئاماژە بەوەدەكات لەسەرەتای ئەمساڵەوە تا سەرەتای مانگی ڕابردوو، 120 كۆمپانیای جۆراو جۆر داوای وەرگرتنی مۆڵەتیان كردووە بۆ ئەوەی كاڵاو شەمەك لە هەرێمی كوردستانەوە بۆ دەرەوە هەناردە بكەن، لەو ژمارەیەش 56 كۆمپانیایان داوایان كردووە لە ئێرانەوە كاڵا هەناردە بكەن.

نەوزاد شێخ كامیل، بەرێوەبەری گشتی بازركانی لە وەزارەتی بازرگانی و پیشەسازی حكومەتی هەرێم بە SNNی ڕاگەیاند: لەسەرەتای ئەمساڵەوە تای سەرەتای مانگی ڕابردوو، 120 كۆمپانیای جۆراو جۆر مۆڵەتی كاركردنیان وەرگرتووە بەمەبەستی هەناردەكردنی كاڵاو شەمەك بۆ دەرەوەی هەرێمی كوردستان، لەو ژمارەیەش 56 كۆمپانیا مۆڵەتیان وەرگرتووە بۆ ئەوەی لە ڕێگەی ئێرانەوە كاڵا هەناردەی دەرەوە بكەن.

ئاماژەی بەوەشكرد، لەبەرامبەر پێدانی مۆڵەت بەو 120 كۆمپانیایە بە هەناردەكردنی كاڵاو شەمەك هەر لەمساڵدا 880 كۆمپانیای دیكەش مۆڵەتیان وەرگرتووە بۆ هاوردەكردنی كاڵا لەدەرەوە لەدەرەوە بەتایبەت وڵاتی ئێران، هاوكات ئەو بازرگانانەی كە كاڵاو شمەك لە هەرێمی كوردستانەوە هەناردەی ئێران دەكەن لە ڕێگەی دەروازە سنوورییەكانی باشماخ وپەروێزخان و حاجی ئۆمەرانەوە بووە.

ئەوەشە لەكاتێكدایە كە دوێنێ‌ نەوزاد غەفور سەرۆكی ژووری بازرگانی و پیشەسازی سلێمانی ئەوەی بە SNNڕاگەیاند كە قەبارەی بازرگانی لەنێوان سلێمانی و ئێران ساڵانە دەگاتە دوو ملیار دۆلار، ئەو كاڵاو شمەكانەشی كە لە ئێرانەوە هاوردە دەكرێن بریتیتن لە كەرەستەی خۆراكی و بەرهەمەمانی شیرەمەنی و كەرەستەی خانووبەرە و كەرەستە پلاستیكییەكان، لەهەرێمی كوردستانیشەوە بەرهەمی قیرو سوتەمەنی و چەند بەرهەمێکی دیكەی نەوتی ڕەوانەی ئێران دەكرێت.