پزیشکیان کۆتایی بە سەردانەکەی هێنا و گەڕایەوە ئێران
SNN-
مەسعود پزیشکیان سەرۆک کۆماری ئێران کۆتایی بە سەردانە سێ رۆژییەکەی بۆ عێراق و هەرێمی کوردستان هێنا و گەڕایەوە تاران.
میدیاکانی ئێران دەڵێن، کەمێک لەمەوبەر مەسعود پزیشکیان و شاندی یاوەری لە فڕۆکەخانەی بەسڕەوە و لەلایەن پارێزگار و ئەندامانی کونسوڵخانەی ئێران لەو شارە ماڵئاواییان لێکراوە و گەڕاونەتەوە وڵاتەکەیان.
میدیاکانی ئێران بەبایەخەوە ئاماژەیان بە سەردانەکەی مەسعود پزیشکیان بۆ عێراق و هەرێمی کوردستان کردووە و دەڵێن، پزیشکیان یەکەم سەرۆک کۆماری ئێرانە کە سەردانی شاری بەسڕەی کردووە.
پێشنیوەڕۆی ئەمڕۆ هەینی 13.9.2024 مەسعود پزیشیکیان سەرۆک کۆماری ئێران و شاندی یاوەری وەک دوایین وێستگەی سەردانەکەیان چوونە شاری بەسڕە و لەگەڵ بەرپرسانی ئەو شارە و سەرۆک خێڵ و عەشیرتەکان کۆبوونەوە.
پزیشکیان دوای کۆبوونەوەی لەگەڵ بەرپرسانی حکومی لە بەغدا سەردانی هەولێر و سلێمانی کرد و دوای کۆبوونەوەی لەگەڵ لایەنەکان و سەرۆکی هەرێمی کوردستان و سەرۆکی حکومەت لە سەرۆکایەتی هەرێم راستەوخۆ سەردانی سلێمانی کرد و لەگەڵ لایەنەکانی سلێمانی جگە لەگەڵ بافڵ جەلال تاڵەبانی سەرۆکی هەرێمی کوردستان کەسی دیکەی لایەنەکانی نەبینی.
