کاتی ناردنی مووچەی مانگی 8 لە بەغداوە راگەیەندرا

SNN-

ماڵپەڕی بەغداد یەوم لە زاری سەرچاوەیەک لە وەزارەتی دارایی فیدڕاڵەوە  وادەی ناردنی مووچەی مانگی ئابی مووجەخۆرانی هەرێمی کوردستان ئاشکرادەکات و دەڵێت:” بە ئەگەرێکی زۆرەوە سێشەممەی داهاتوو خەرجدەکرێت”

ماڵپەڕی (بەغداد یەوم) ڕاگەیاند: وەزارەتی دارایی فیدراڵی ئەو لیستی مووچەیەی وەرگرتووە کە دوو ڕۆژ لەمەوبەر لەلایەن حکومەتی هەرێمەوە نێردراوە ، و پابەندە بە بەدواداچوون و وردبینی، بەتایبەتی دوای ئەوەی دامەزراندنی نوێ بۆ مامۆستایانی وانەبێژ لە هەرێم هەیە”.

ماڵپەڕەکە ئاماژەی بەوەشکردووە کە بە ئەگەرێکی زۆرەوە مووچەی فەرمانبەران لە سێشەممەی داهاتوو خەرجدەکرێت، دوای ئەوەی لیستەکان وردبینی تەواویان بۆ دەکرێت، ئەمجارە مووچە بەشێوەیەکی تەواو بۆ سەرجەم فەرمانبەران و دەزگا ئەمنییەکان خەرجدەکرێت”.

ڕۆژی سێشەممە (10ی ئەیلولی 2024) ئەنجوومەنی وەزیران بڕیاریدا وەزارەتی دارایی فیدراڵی بەردەوام بێت لە پێدانی مووچەی فەرمانبەرانی کوردستان، کە بەهۆی نەبوونی بایۆمەترییەوە مووچەکانیان ڕاگیرا.

لە سی و حەوتەمین دانیشتنی ئاسایی خۆیدا کە بە سەرۆکایەتی محەمەد شیاع سودانی بەڕێوەچوو، ئەنجومەنی وەزیران ڕێنمایی دا کە حکومەتی هەرێم پابەندبێت بە تەواوکردنی ڕێکارەکانی تایبەت بە بایۆمەتری فەرمانبەران و مووچەخۆران بۆ ئەوەی بتوانرێت مووچەکانیان خەرجبکرێت.