فەرماندەی ناوەندی ئەمریکا: چوار سەرکردەی دا*عشمان کوشتووە
سوپای ئەمریکا لە عێراق
SNN-
فەرماندەی ناوەندی ئەمریکا رایگەیاند، لە ئۆپراسیۆنێکی سەربازی ھاوبەشی ئەمریکا و عیراق لە مانگی ئابدا چوار سەرکردەی داعشیان کوشتووە و حەوت سەربازی ئەمریکیش برینداربوون.
فەرماندەی ناوەندی ئەمریکا (سێنتکۆم) لە راگەیەنراوێکدا ئاماژەی بەوەکرد، لە 29ی ئابدا بە ھەماھەنگی لەگەڵ ھێزە عێراقیەکان ئۆپراسیۆنێکیان لە رۆژئاوای عێراق ئەنجامداوە و 14 تیرۆرستی داعشیان کوشتووە و حەوت سەربازی ئەمریکاش برینداربوون.
دەشڵێت، چوار لەو تیرۆریستانە سەرکردەی داعش بوون و سەرپەرشتی کردەوە تیرۆرستیەکانی ئەو گروپەیان کردووە.
ھاوکات، جەنەڕاڵ مایكل كۆریلا، فەرماندەی فەرماندەیی ناوەندیی ئەمریكا رایگەیاند: فەرماندەیی ناوەندیی پابەندە بە تێكشاندنی هەمیشەیی داعش, كە درێژە بە هەڕەشەكانی دەدات بۆ سەر ویلایەتە یەكگرتووەكان و، هەڕەشەكردن لە هاوپەیمان و هاوبەشەكانمان و سەقامگیری هەرێمی.
