بۆ گفتوگۆکردن دەربارەی هەناردەکردنەوەی نەوت شاندێکی وەزارەتی نەوتی عێراق سەردانی هەرێمی کوردستان دەکات
SNN-
شاندێکی باڵای وەزارەتی نەوتی عێراق بۆ قسەکردن لەسەر نرخی دەرھێنانی نەوت و دوبارە ھەناردەکردنەوەی نەوت سەردانی ھەرێم دەکەن.
هەناردەکردنی نەوتی هەرێمی کوردستان لە رێگەی بۆری جەیهان لەسەر بڕیاری دادگای نێوبژیوانی نێودەوڵەتی لە پاریس لە 25ی مانگی ئاداری 2023 راگیراوە.
بە گوێرەی زانیارییەکان شاندەکەی وەزارەتی نەوتی عێراق بەسەرۆکایەتی حەیان عەبدولغەنی وەزیری نەوتی عێراقە و بڕیارە لەناوەڕاستی ھەفتەی داھاتوودا سەردانی ھەرێمی کوردستان بکەن و پرسی سەرەکی سەردانەکەش، قسەکردنە لەگەڵ کۆمپانیا بیانییەکان بۆ رێککەوتن لەسەر نرخی دەرھێنانی نەوت و دەستپێکردنەوەی پرۆسەی ھەناردەکردنەوەی نەوتی ھەرێم لەڕێگەی بەندەری جیھانی تورکیەوە.
ئەوەش لە کاتێکدا رۆژی 12ی ئەم مانگەش وەزیری وزە و سەرچاوە سروشتییەکانی تورکیا ئاماژەی بەوەدا، پێویستە ھەولێر و بەغداد ئیرادەی بەھێزیان بۆ چارەسەرکردنی کێشەی دەستپێکردنەوەی ھەناردەکردنەوەی نەوتی کوردستان ھەبێت و وڵاتەکەشی ئامادەیە نێوەندگیری ھەولێر و بەغداد بکات بۆ چارەسەرکردنی ئەو کێشەیە.
ۆژی شەممە 31ی ئابی 2024، مایڵز كاگینز، وتەبێژی كۆمپانیای پیشەسازی نەوتی كوردستان “ئەپیكور رایگەیاند، راگرتنی هەناردەی نەوتی كوردستان مانگانە زیانی یەك ملیۆن دۆلاری لێكەوتووەتەوە و كۆی گشتی تائێستا 19 ملیار دۆلار زیانی لێكەوتووەتەوە، هەروەها تائێستاش هیچ رێککەوتنێک نەکراوە بۆ دەستپێکردنەوەی هەناردەکردنی نەوتی هەرێم”.
