بەڕێوەبەری هێڵی ئاسمانی عێراقی لە پۆستەکەی دوورخرایەوە

SNN-

نوسینگەی سەرۆکوەزیرانی عێڕاق دورخستنەوەی بەڕێوەبەری هێڵی ئاسمانی عێراقی ڕاگەیاند.

رۆژی 31ی تەموزی رابردوو چەندین گەشتی ئاسمانی عإراق لە فرۆکەخانەی نێودەوڵەتی بەغداد بۆماوەی 10 کاتژمێر دواکەوتن، ئەوەش بەھۆی زۆری ژمارەی گەشتیار و زیارەتکارانی ئێرانی و کێشەی تەکنیکی فڕۆکەخانەکەوە رویدا، لە بەرامبەریشدا سودانی لیژنەی لێکۆڵینەوەی پێکھێنا.

لە بەیاننامەیەکدا نوسینگەی سەرۆکوەزیرانی عێڕاق ڕایگەیاند، ئه‌و لیژنه‌یه‌ی له‌سه‌ر داوای سه‌رۆكوه‌زیرانی عێراق پێكهێنرا بۆ به‌دواداچوون و لێكۆڵینه‌وه‌ و ئاشكراكردنی هۆكاره‌كانی ئه‌و ئاڵۆزییه‌ی لە گەشتەکانی هێڵی ئاسمانی عێراقدا له‌ چه‌ند ڕۆژی ڕابردوودا دروست بووبوو، كاره‌كانی ته‌واو ده‌كات، ڕاسپارده‌كانی ئاراسته‌ی وه‌زیری گواستنه‌وه‌ كردوو و تێیدا داوای كرد، به‌ڕێوه‌به‌ری گشتیی كۆمپانیای هێڵی ئاسمانی عێراقی له‌ ئه‌ركه‌كه‌ی دوور بخاته‌وه‌.

لە بەیاننامەکەدا هاتووە کە وه‌زیری گواستنه‌وه‌ی عێراق ڕاسپارده‌كانی لێژنه‌كه‌ی په‌سەندكردووه‌ و ڕه‌زامه‌ندی نیشان داوه‌ به‌ دوورخستنه‌وه‌ی به‌ڕێوه‌به‌ری گشتیی كۆمپانیای هێڵی ئاسمانی عێراقی له‌ ئه‌ركه‌كه‌ی.