جارێکی تر کەمپی مەخمور لەلایەن درۆنەکانی تورکیاوە بۆردومانکرا
SNN
ئەمڕۆ سوپای تورکیا بۆ جارێکی تر لە رێگەی درۆنەکانییەوە کەمپی مەخموری بۆردوومانکرد، تاکو ئێستاش زیانەکانی بۆردوومانەکە ئاشکرانەکراوە.
غازی فەیسەڵ فەرماندەی خۆبەخشی ھێزی پێشمەرگە بە میدیای یەکێتی راگەیاند، کاتژمێر 9:45 خولەکی سەرلەبەیانی ئەمڕۆ سوپای تورکیا بۆ جارێکی تر کەمپی مەخموری بۆردومانکردەوە، ئەوەش دووەم بۆردومانە کە لە ماوەی کەمتر لە ھەفتەیەکدا بۆ سەر کەمپەکە ئەنجامی دەدات، هاوکات تاکو ئێستا زیانەکانی بۆردوومانەکە ئاشکرانەکراوە.
ئاماژەی بەوەکردووە، بۆردومانەکەی تورکیا لە کاتێکدایە ھەرچوار دەورەی کەمپەکە سوپای عیراقە و ناو کەمپەکەش بنکەی پۆلیسی عیراقی تێدایە و هیچ گەریلایەکیش لەو ناوچەیەدا بوونی نییە.
هاوکات جەختی لەوەکردەوە، ماوەی 10 رۆژە کارمەندانی کۆمیسیۆن بۆ سەرژمێری لە کەمپەکەدان، ئەم هێرشەی تورکیش پێدەچێت بۆ ئەوەبێت رێگری لەو سەرژمێرییە بکات.
