مێردمنداڵێک کۆتایی بە ژیانی دایک و باوک و برا بچووکەکەی دەهێنێت

SNN

سه‌رچاوه‌یه‌كی ئه‌منی به‌یانی ئه‌مڕۆ سێشه‌ممه‌ 17ی ئەیلول رایگه‌یاند، مێردمنداڵێك كه‌ ته‌مه‌نی نزیكه‌ی 13 ساڵانه‌ له‌ پارێزگای به‌سڕه‌ كۆمه‌ڵكوژیه‌كی له‌ دژی خێزانه‌كه‌ی ئه‌نجامداوه‌ و دایك و باوكی و برا بچوكه‌كه‌ی كوشتووه‌.

به‌وته‌ی سه‌رچاوه‌یه‌كی ئه‌منی، مێردمنداڵێكی ته‌مه‌ن 13 ساڵ ته‌قه‌ی له‌ خێزانه‌كه‌ی كردوه‌ و به‌هۆیه‌وه‌ باوكی و برایه‌كی ته‌مه‌ن شه‌ش مانگان گیانیان له‌ده‌ستداوه‌.

ئه‌و سه‌رچاوه‌یه‌ ئاشكراشیكردوه‌، مێردمنداڵه‌كه‌ له‌لایه‌ن پۆلیسه‌وه‌ ده‌ستگیركراوه‌ و تاوه‌كو ئێستا هۆكاری سه‌ره‌كی ئه‌و رووداوه‌ نه‌زانراوه‌، لێكۆڵینه‌وه‌ی هێزه‌ ئه‌منیه‌كانیش به‌رده‌وامن و مێردمنداڵه‌كه‌ش له‌ژێر لێكۆڵینه‌وه‌دایه‌.

ئه‌و سه‌رچاوه‌یه‌ باسی له‌وه‌شكردوه‌، له‌ئێستادا ته‌رمی باوك و دایك و ئه‌و منداڵه‌ بچوكه‌ له‌ پزیشكی دادی به‌سڕه‌ن و دوای ته‌واوكردنی رێكاره‌كان راده‌ستی كه‌سوكاره‌كانیان ده‌كرێنه‌وه‌.