وادەی دامەزراندنی مامۆستایانی وانەبێژی زانکۆ و پەیمانگاکان راگەیەندرا

SNN-عەلی حەمە سەعید

بەرپرسێكی وەزارەتی خوێندنی باڵاو توێژینەوەی زانستی ئاشكرایدەكات كە بە هەوڵەكانی وەزیری خوێندنی باڵاو توێژینەوەی زانستی توانیویانە ڕەزامەندی ئەنجومەنی وەزیرانی هەرێم بەدەست بهێنن بۆ دامەزراندنی مامۆستایانی وانەبێژ كە لە زانكۆ و پەیمانگاكان وانە دەڵێنەوە و ژمارەیان نزیكەی سێ‌ هەزار مامۆستا دەبێت.

د. توانا نەجەف، بەڕێوەبەری گشتی فەرمانگەی كارگێڕی و دارایی لە وەزارەتی خوێندنی باڵاو توێژینەوەی زانستی حكومەتی هەرێم بە SNNی ڕاگەیاند: بەوهەوڵەكانی وەزیری خوێندنی بالاو توێژینەوەی زانستی ڕەزامەندی ئەنجومەنی وەزیرانی هەرێممان وەرگرتووە بۆ دامەزراندنی مامۆستایانی وانەبێژی زانكۆ و پەیمانگاكانی هەرێمی كوردستان، بۆ ئەومەبەستەش ناوی سەرجەم مامۆستایانی وانەبێژیان بۆ وەزارەت گەڕاندووەتەوە.

ئاماژەی بەوەشكرد، ژمارەی ئەو مامۆستایانەی كە بەشێوەی وانەبێژ لە زانكۆو پەیمانگاكان وانەدەڵێنەوە ژمارەیان دەگاتە نزیكەی سێ هەزار مامۆستا و سەرجەمیان دەكرێن بە گرێبەست هاوشێوەی مامۆستایانی ناوەندەكانی خوێندنی سەر بە وەزارەتی پەروەردە.

ئەو بەرپرسەی وەزارەتی خوێندنی باڵاو توێژینەوەی زانستی ئەوەشی خستەڕوو، لە ئەمڕۆوە رێكارەكانی تایبەت بە گرێبەستكردنیان دەستیپێكردووە و لەم هەفتەیەشدا، ناوی سەرجەم مامۆستاكان بۆ ئەنجوومەنی وەزیرانی هەرێمی كوردستان دەنێرین بەمەبەستی دەركردنی فەرمانی دامەزراندیان بەشێوەی گرێبەست.