جارێکی دیکە شاندی حکومەتی هەرێم بۆ مووچە دەچێتە بەغدا

SNN-

سەرۆکی دیوانیس سەرۆکایەتی ئەنجوومەنی وەزیرانی هەرێمی کوردستان رایگەیاند، هەفتەیداهاتوو  شاندێکی حکومەتی هەرێمی کوردستان بۆ پرسی مووچەی مانگی (9,8) دەچێتە بەغدا.

ئومێد سەباح، سەرۆکی دیوانی ئەنجومەنی وەزیرانی هەرێم لە کۆنفرانسێکی رۆژنامەوانیدا رایگەیاند، رۆژی دووشەممەی هەفتەی داهاتوو، شاندێکی حکومەتی هەرێمی کوردستان سەردانی بەغداد دەکات.

وتیشی: “ئامانجی سەردانی وەفدەکە بەدواداچوونە بۆ کۆی بڕیارەکانی ئەنجومەنی ئابوریی هەرێمی کوردستان و عێراق و، لە پێشینەی بڕیارەکانیش مووچەی مووچەخۆرانی هەرێمە، بەتایبەت بۆ مانگەکانی ئاب و ئەیلول-ی ئەمساڵ”.

ئەوە لە کاتێکدایە زیاتر لە نیوەی مانگی ئەیلول تێپەڕیوە و تاوەکو ئێستا مووچەخۆرانی هەرێمی کوردستان مووچەی مانگی ئابیان وەرنەگرتووە.