کەشناسی هەرێمی کوردستان: ئەمڕۆ و سبەینێ باران دەبارێت

SNN-

کەشناسیی هەرێمی کوردستان کەشوهەوای ئەمڕۆ و سبەی بڵاوکردەوە و رایگەیاند، ئەمڕۆ و سبەینێ نمەباران دەبارێت و پلەکانی گەرماش سێ بۆ چوار پلە نزم دەبنەوە.

بەڕێوەبەرایەتییەکە لە راگەیەندراوێکدا بڵاویکردووەتەوە کە ئەمڕۆ پێنجشەممە 19ی ئەیلولی 2024، ئاسمان نیمچەهەور دەبێت و لە ناوچە شاخاوییەکان هەوری تەواو دەبێت، لە کاتەکانی ئێوارەوە نمەباران کەم کەمە دەستپێدەکات و هەندێکجار بۆ تاوەبارانی لاواز دەگۆڕێت و کاریگەری بارانبارینەکە لە ناوچە سنوورییەکان و بە تایبەتی لە ناوچەکانی باکووری رۆژئاوای هەرێم و ناوچە شاخاوییەکانی زاخۆ دەبێت.

هەروەها سبەینێ هەینی، ئاسمان نیمچەهەور دەبێت و لە ناوچە شاخاوییەکان بۆ هەوری تەواو دەگۆڕێت، لە کاتەکانی بەیانیدا نمەباران لە ناوچەکانی پارێزگای دهۆک دەستپێدەکات، پاشان کاریگەرییەکەی بەشێوەیەکی لاواز درێژ دەبێتەوە بۆسەر ناوچەکانی ناوەڕاستی هەرێم و هەندێک لە ناوچەکانی پارێزگای هەولێر، دواتر لەکاتەکانی ئێوارەوە کاریگەرییەکەی بە لاوازی لە ناوچە شاخاوییە سنوورییەکانی باکوور دەمێنێتەوە و لە ناوچە شاخاوییەکاندا و بە تایبەتی لە ناوچە سنوورییەکان، پلەکانی گەرما سێ بۆ چوار پلە نزم دەبنەوە.

بەرزترین پلەکانی گەرمای پێشبینیکراو بە پلەی سیلیزی بۆ سبەی هەینی بەمجۆرە دەبن :

هەولێر : 33 پلەى سیلیزى

سلێمانی :31 پلەى سیلیزى

دهۆک : 31 پلەى سیلیزى

کەرکوک : 35 پلەى سیلیزى

هەڵەبجە : 34 پلەى سیلیزى

زاخۆ : 30 پلەى سیلیزى

حاجی ئۆمەران : 20 پلەى سیلیزى

سۆران : 26 پلەى سیلیزى

گەرمیان :35 پلەى سیلیزى