هەوڵدەدرێت ماف و ئیمتیازی خانەوادەی شەهیدانی هەڵەبجە و زیندانیانی سیاسی وەک عێراقی لێبکرێت

SNN

ئەندامێکی ئەنجوومەنی نوێنەرانی عێراق رایدەگەیەنێت، هەوڵەکانی فراکسیۆنە کوردستانییەکان بۆ بە هاوتاکردنی ماف و ئیمتیازی شەهیدانی هەڵەبجە و زیندانیانی سیاسی بە عێراق هەنگاوی باشی ناوە.

سۆران عومەر ئەندامی ئەنجوومەنی نوێنەرانی عێراق لە پەڕەی فەرمی خۆی لە فەیسبووک رایگەیاندووە، ئێوارەی دوێنێ هەر پێنج فراکسیۆنی کوردستانی بە سەرۆکایەتی د. شاخەوان عەبدوڵڵا جێگری سەرۆکی ئەنجومەنی نوێنەران و لیژنەی شەهیدانی ئەنجومەنی نوێنەران، لەگەڵ د.حسێن سوڵتانی، سەرۆکی دامەزراوەی زیندانییە سیاسیەکانی عێراق و نوێنەری ئەنجومەنی دەوڵەت سەبارەت بە هەمواری یاسای ژمارە 4ی ساڵی 2006 یاسای زیندانیە سیاسەکانی عێراق کۆبوونەوە.

ئاماژەی بەوەکردووە، هەمواری یاسای ژمارە 4ی ساڵی 2006 لە ئەنجومەنی دەوڵەتە و بڕیارە هەفتەی داهاتوو ڕەوانەی ئەنجومەنی نوێنەران بکرێت.

دەڵێت “ئەمەش دەسکەوتێکی دیکە دەبێت بۆ خانەوادەی شەهیدانی هەڵەبجە و زیندانیانی سیاسی.”