بەهاوكاری كۆمپانیا چینییەكان یەكەم كارگەی بەرهەمهێنان و دروستكردنی مۆبایل لەهەرێم كرایەوە

SNN-عەلی حەمە سەعید
سەرۆكی دەستەی وەبەرهێنان ئاماژە بەوەدەكات كە بۆیەكەمجار یەكەمین كارگەی دروسـتكـردنی مـۆبـایل لە هەرێمی كوردستان و لە شاری هەولێردەسـتی بـە بەرهەمهـێنان كرد كە مانگانە 30 هەزار مۆبایلی زیرەك بەرهەم دەهێنێت.
محەمەد شوكری، سەرۆكی دەستەی وەبەرهێنان بە SNNی ڕاگەیاند: بۆ یەكەمجار لە هەرێمی كوردستان و بەهاوكاری كۆمپانیایەكی وڵاتی چین كارگەی (ئینفینیكس )وەك گـەورەتریـن كارگەی دروسـتكـردنی مـۆبایل لە ڕۆژهەڵای ناوەڕاسـت لە هەولـێـر دەستی بە بەرهەمهێنانی ئامێری مۆبایل كرد وئەو مۆبایلەی بەرهەم دەهنێرێت چینییە و هەموو كەرەستەكانیش هی ئەو وڵاتەن بەڵام لەسەری نوسراوە لە هەرێمی كوردستان پارچەكانی لێكدراون و بەرهەم هاتووە.
ئاماژەی بەوەشكرد، ئەو مۆبایلەی كە لەو كارگەیە بەرهەمدەهێندرێت بە سیستەمی ئەندرۆید كاردەكات، تایبەتمەندییەكی هاوشێوەی ئەو مۆبایلە زیرەكانەیە كە لەدەرەوە هاوردەی هەرێمی كوردستان دەكرێن و لە قۆناغی یەكەمیشدا مانگانە 30 هەزار مۆبایل بەرهەدەهێنن و جگە لە بازاڕەكانی ناوخۆ بڕیاریشە هەناردەی وڵاتانی دەرەوە بكرێت بەتایبەت وڵاتانی دراوسێ‌ و چەند ولاتێكی دیكەی عەرەبی.
سەرۆكی دەستەی وەبەرهێنان ئەوەشی خستەڕوو، بەهۆی ئەوەی مۆبایلەكە لە ناوخۆی هەرێم بەرهەم دەهێنرێت چاوەڕوان دەكرێت نرخەكەشی هەرزان بێت بەراوردە بەو مۆبایلانەی كە لەدەرەوە هاوردە دەكرێن.