ترەمپ دڵنیای کردمەوە لە پاڵپشتی خۆی بۆ ئۆکرانیا

SNN

ڤۆلۆدیمیر زلێنسکی، سەرۆکی ئۆکرانیا لە چاوپێکەوتنێکدا لەگەڵ کەناڵی فۆکس نیوز ڕایگەیاند، “زانیاری زۆر ڕاستەوخۆ”ی لە دۆناڵد ترەمپ وەرگرتوە کە ئاماژەیە بۆ ئەوەی سەرۆکی پێشووی ئەمریکا پشتیوانی ئۆکرانیا دەکات لە شەڕی دژی ڕووسیا ئەگەر دوبارە لە هەڵبژاردنی سەرۆکایەتیدا هەڵبژێردرێتەوە.

ڤۆلۆدیمیر زلێنسکی کە بۆ بەشداریکردن لە کۆبونەوەی گشتی نەتەوە یەکگرتوەکان لە ئەمریکا بو لە کۆبوونەوەیەکی داخراودا “پلانی سەرکەوتن”ی خۆی لە شەڕەکەدا پێشکەش بە ترەمپ کرد، دوای ئەوەی کاندیدی کۆمارییەکان بۆ پۆستی سەرۆکایەتی کۆمارییەکان ڕایگەیاند، لەگەڵ هەردو وڵاتی ئۆکرانیا و ڕوسیا کاردەکەن بۆ کۆتایی هێنان بە ململانێکانیان.

زلێنسکی دوای ئەو کۆبونەوەیە لە بەیاننامەیەکدا بۆ فۆکس نیوز ڕایگەیاند، “نازانم دوای هەڵبژاردن چی ڕودەدات و کێ دەبێتە سەرۆک، بەڵام زانیارییەکی زۆر ڕاستەوخۆم لە دۆناڵد ترەمپ وەرگرتوە کە لە لای ئێمە دەبێت، پشتگیری لە ئۆکرانیا دەکات”.

ئەو بەرپرسە ئاماژەی بەوەشکردووە، پلانەکە گریمانەی شکستی کۆتایی ڕوسیا دەکات لە شەڕەکەدا، هەندێک لە بەرپرسان پێیانوایە ئەم ئامانجە ناڕاستەقینە.