شەپۆلێکی بارانبارین هەرێمی کوردستان دەگرێتەوە و لە هەندێک ناوچە 50 ملم دەبارێت

SNN-

شەپۆلێکی بەهێزی بارانبارین هەرێمی کوردستان دەگرێتەوە و پێشبینی دەکرێت لە هەندێک ناوچە نزیکەی 50 ملیمەتر باران ببارێت.

دەستەی کەشناسیی عێراق پێشبینی دەکات، شەپۆلێکی بارانبارین لە رۆژانی سێشەممە و چوارشەممەوە روو لە ناوچە جیاوازەکانی هەرێمی کوردستان بکات و بڕێکی زۆر باران ببارێت.

محەمەد کەمال، شارەزای بواری کەشناسیی رایگەیاند: کاریگەریی شەپۆلەکە لەسەر سلێمانی و گه‌رمیان و هه‌ڵه‌بجه زیاتر دەبێت و لە هەندێک ناوچە ئەگەری بارینی 50 ملیم باران هەیە.

کەشناسیی هەرێمی کوردستان پێشبینیی دەکات، پلەکانی گەرما دو پلە دابەزن و رەشەباش لە سلێمانی و کەرکوک گەرمیان بەردەوام دەبێت و گەرمترین ناوچەش گەرمیان دەبێت و فێنکترینیش حاجی ئۆمەران.

لەلایەکی دیکەوە دەستەی کەشناسی عێراق بڵاویکردەوە، بەرزترین پلەی گەرما زیقاڕ دەبێت کە 41 پلەی سیلیزییە و نزمترینیش لە نەینەوا دەبێت.