دۆناڵد ترەمپ: پێویستە ئیسرائیل یەكەم شوێن بەرنامە ئەتۆمیەكەی ئێران بكاتە ئامانج

سەرۆكی پێشوی ئەمریكا رایگەیاند، پێویستە لەسەر ئیسرائیل هێرشبكاتە سەر بەرنامە ئەتۆمیەكەی ئێران، لە وەڵامی ئەو هێرشەی چەند رۆژێك لەمەوبەر كردیە سەر ئیسرائیل.

ترەمپ لە لێدوانێكدا لە ویلایەتی نۆرس كارولینا، رایگەیاند، پرسیاریان لە جۆبایدن كردووە لەبارەی ئەگەری كردنە ئامانجی بەرنامە ئەتۆمیەكەی ئێران لەلایەن ئیسرائیلەوە، دەبوو جوابەكەی راستەوخۆ ئەوەبێت، سەرەتا لە ئەتۆمییەكەی بدەن دواتر لەشوێنەكانی تر.

وتەكانی ترەمپ دوای لێدوانەكەی بایدن دێت، كە دوێنی هەینی داوای لە ئیسرائیل كرد دامەزراوە نەوتییەكانی ئێران نەكاتە ئامانج.