کەی دەست بە دابەشکردنی مووچەی مانگی نۆ دەکرێت؟

SNN

سەرچاوەیەک لە وەزارەتیی دارایی و ئابوری هەرێم رایگەیاندووە، بەغدا ئەمڕۆ یان سبەینێ پارەی تەواوکاری مووچەی مانگی نۆ دەخاتە سەر هەژماری بانکی وەزارەتی دارایی هەرێم، دوابەدوای گەیشتنی پارەکە دەست بە دابەشکردنی دەکرێت.

میدیای گۆڕان ئەمڕۆ چوارشەممە 9ی تشرینی یەکەم بڵاویکردووەتەوە، چاوەڕێ دەکەین ئەمڕۆ یان سبەینێ پێنجشەممە، وەزارەتی دارایی عێراق بڕە پارەیەکی دیکە بخاتە سەر هەژماری وەزارەتی دارایی هەرێم و ئەوکات رۆژی یەکشەممە یان دووشەممەی هەفتەی داهاتوو دەست بە دابەشکردنی مووچەی مانگی ئەیلول دەکەن.

هاوکات دوێنێ وەزارەتیی دارایی هەرێم لە راگەیەنراوێکدا ئاشکرایکرد، پارەی تەواویان لەبەردەستدا نییە بۆ دابەشکردنی مووچەی مانگی 9 و بڕی 305 ملیار دینار کورتهێنان هەیە، چاوەڕێ بەغدا دەکەن تاکو ئەو پارەیان بۆ بنێرێت.

سەرچاوەیەک لە وەزارەتی دارایی و ئابوری هەرێم لەبارەی مووچەی مانگی 10ەوە ئاماژەی بەوەکردووە، لیستی مووچەی مانگی 10 ئامادەیە و لە نزیکترین کاتدا رەوانەی بەغدای دەکەن.