بارانبارین دەستپێدەکات و پلەکانی گەرما دادەبەزن

SNN-

بەپێی پێشبینییەکانی کەشوهەوا ئەم هەفتەیە شەپۆلێکی باران بارین چەند ناوچەیەکی هەرێم دەگرێتەوە و لە هەفتەی داهاتوشەوە پلەکانی گەرما بەڕێژەیەکی بەرچاو دادەبەزن.

ئاراس جەبار، شارەزای کەشناسی پێشبینی دەکات، رۆژانی چوارشەممە و پێنجشەممەی ئەم ھەفتەیە ناوچەکانی باکوری ھەرێم بکەونە ژێر کاریگەریی نزمەپاڵەپەستۆیەکی ئەوروپا و شەپۆلێکی پچڕ پچڕی بارانبارین ناوچە شاخاوییەکانی پارێزگای دھۆک و ھەولێر دەگرێتەوە و تا ئێوارەی پێنجشەممە بەردەوامی دەبێت.

ئاماژەی بەوەشکردوە ئەو شەپۆلە باران بارینە جگە لە هەولێر و دهۆک ناوچەکانی دیکەی ھەرێمی کوردستان ناگرێتەوە.

دەشڵێت:”لە ئەنجامی ھاتنی بارستە ھەوایەکی سارد لەسەرەتای ھەفتەی داھاتو بەدواوە پلەکانی گەرما نزیکەی هەشت پلە دادەبەزن، بەڵام پێشبینی باران بارین ناکرێت”