لیژنەی دارایی: پێشبینی دەکەم ساڵی داهاتوو داھاتی نانەوتی 30 ترلیۆن دینار تێدەپەڕێنێت
مووچە بودجە
SNN-
لیژنەی دارایی پەرلەمانی عێراق پێشبینی دەکات لە بودجەی ساڵی داھاتوودا داھاتی نانەوتی 30 ترلیۆن دینار تێبپەڕێنێت.
موعین کازمی، ئەندامی لیژنەی دارایی پەرلەمانی عێراق رایگەیاند، لە ئەنجامی کۆبوونەوە و گفتوگۆکانیان لەگەڵ وەزیری دارایی و لێپرسراوانی دەروازە سنورییەکان و دەستەکانی گومرگ و باج و بەڕێوەبەرە گشتییەکان، بۆیان دەرکەوتووە رێکارەکانی تایبەت بە زیادکردنی داھاتی نانەوتی پێشکەوتنی بەرچاوی بەخۆوە بینیووە و کاریگەری زۆریشی لەسەر زیادبوونی داھاتی نانەوتی دروستکردووە کە دەبێتە پاڵپشتێکی بەھێز بۆ ئابووری عێراق.
وتیشی، پێشبینی دەکەن لە بودجەی ساڵی داھاتوودا داھاتی نەوت بگاتە 120 ترلیۆن دینار و داھاتی نانەوتیش 30 ترلیۆن دینار تێپەڕێنێت کە داھاتی خاڵە سنورییەکان و باج و گومرگ و کارەبا و خزمەتگوزارییەکانی تر دەگرێتەوە.
