“سودانی پێیوتم ھەژماری من بەھیچ شێوەیەک بەبانکیکردنی مووچە نییە”

SNN

ئەندامێکی ئەنجومەنی نوێنەران رایگەیاند، سودانی پێی راگەیاندووە پڕۆژەی ھەژماری من، بەھیچ شێوەیەک بەبانیکردنی موچە نییە و تەنھا لەڕێی بانکە فیدراڵییەکانەوە دەکرێت.

سۆزان مەنسور ئەندامی ئەنجومەنی نوێنەران بە کوردسات نیوزی رایگەیاند، محەمەد شیاع سودانی سەرۆک وەزیرانی عیراق لە میانەی کۆبوونەوەی لەگەڵ پەرلەمانتارانی سنوری دیالە لە بینانی پارێزگای بەعقوبە لە وەڵامی پرسیارێکیدا لەبارەی ھەژماری منەوە رایگەیاندووە، پڕۆژەی ھەژماری من بەھیچ شێوەیەک بەبانکیکردنی مووچە نیە، وتیشی، پێویستە بە بانکیکردنی مووچەی مووچەخۆرانی ھەرێم لەڕێی بانکە فیدراڵییەکانەوە بکرێت نەک پڕۆژەی ھەژماری من. راشیگەیاند، سودای پێیوتووە بەمنزیکانە ئەو کێشەیە چارەسەر دەکەن.

ئەو لێدوانەی سودانیش، لەکاتێکدایە کە بافڵ جەلال تاڵەبانی سەرۆکی یەکێتی لە سێیەمین کەرنەڤاڵی لیستی یەکێتی لە کۆیە رایگەیاند، ھەژماری من نە ھی منە و نەھی ئێوەیە، بەڵکو ھەژماری مەسرور بارزانییە، بۆیە بڕۆن لە بانکە فیدراڵییەکان بە بانکیکردنی مووچە دەستپێبکەن، لەدوای ئەوەش لە بەشێک لە فەرمانگە حکومییەکانی سنووری پارێزگای سلێمانی پڕۆسەی بە بانکیکردنی مووچە لەڕێی بانکە فیدراڵییەکانەوە دەستیپێکردووە.