دوای نزیکەی چوار ساڵ لە گۆشەگیریی عومەر ئۆجەلان توانیویەتی عەبدوڵڵا ئۆجەلان ببینێت

SNN

عومەر ئۆجەلان رایدەگەیەنێت توانیویەتی دوێنێ عەبدوڵڵا ئۆجەلان ببینێت و چاویان بەیەکتر بکەوێت و لە دۆخی تەندروستیی عەبدوڵڵا ئۆجەلان دڵنیاببێتەوە.

عومەر ئۆجەلان، برازای عەبدوڵڵا ئۆجەلانە هاوکات پەرلەمانتاری دەم پارتییە لە تورکیا لە هەژماری خۆی لە تویتەر رایگەیاندووە، دوێنێ لە زیندانی ئیمراڵی عەبدوڵڵا ئۆجەلانی بینیوە و دیدارێکی لەگەڵدا سازکردووە.

وتوویەتی “سەردانەکەم کۆمەڵایەتی بووە و هیوادارم دیداری ئێمە وەکو خانەوادەکەی لەگەڵ عەبدوڵڵا ئۆجەلان بەردەوام بێت کە بەپێی یاسا رێپێدراوە”، ئەمە لە کاتێکدایە لە 3ی ئایاری 2020ەوە نەیتوانیوە سەردانی ئۆجەلان بکات، لەدوای ئەو بەروارەوە دوێنێ یەکەم سەردانی عومەر ئۆجەلان بووە بۆ لای عەبدوڵڵا ئۆجەلان.

سەردانەکە لە چوارچێوەی ئەو هەوڵە نوێیەدا دێت کە بۆ دەستپێکردنی پرۆسەیەکی نوێی ئاشتی لە تورکیا هاتووتە ئاراوە.