هەفتەی داهاتوو لقی بانکی رەشید و رافیدەین لە سلێمانی دەکرێتەوە

SNN

سەرچاوەیەکی ئاگادار لە وەزارەتی دارایی عێراقەوە ئەوەی ئاشکرا کرد، کە لقی بانکی رەشیدی و رافیدەینی عێراقی هەفتەی داهاتوو لە پارێزگای سلێمانی دەکرێتەوە و راستەوخۆ لقی ئەو دوو بانکە دۆلار بە نرخی فەرمی دەفرۆشن.

سەرچاوەیە ئاماژەی بەوەشکرد، کە شوێنی هەردوو بانکەکە دیاریکراوە لە شاری سلێمانی و دەکەوێتە سەر شەقامی 60 مەتری، لەگەڵ ئەوەشدا لقی بانکی بازرگانی عێراقی لە هەڵەبجە و ناوچەکانی گەرمیان و راپەڕین دەکرێتەوە، ئیدی ئەو فەرمانبەرانی کە تەوتینیان کردووە راستەوخۆ دەتوانن لە لقی ئەو بانکانەوە مووچەکانیان وەربگرن.

هەنگاوی کردنەوەی ئەم دوو بانکە لە کاتێکدایە کە، لەلایەن بافڵ جەلال تاڵەبانی سەرۆکی یەکێتیی نیشتمانیی کوردستان، هەژماری من، رەتکراتەوە و سەرجەم ئۆفیسەکانی لە سلێمانی داخران.