سێ سەرۆکشارەوانی کورد لە کارەکانیان دورخرانەوە

SNN

سێ سەرۆکشارەوانی کورد لە باکوری کوردستان بە تۆمەتی هەبوونی پەیوەندیی لەگەڵ تیرۆرستان لە پۆستەکانیان دورخرانەوە.

ئەمڕۆ دووشەممە 4ی تشرینی دووەم،سەرۆکشارەوانییەکانی مێردین، ئێلهـ، لەگەڵ خەلەفت لە کارەکانیان دورخرانەوە، قەیوم بۆ سێ شارەوانی گەورەی باکوری کوردستان دانران کە یەکێکیان سیاسی ناسراوی کورد، ئەحمەد تورک سەرۆکیەتی.

میدیاکانی تورکیا ئاماژەیان بەوەکردووە، بە بڕیاری وەزارەتی ناوخۆی تورکیا، قەیووم بۆ گەورە شارەوانیی مێردین، شارەوانیی ئێلیهـا و شارەوانیی خەلەفەتی لە رووهای باکووری کوردستان دانران.

ئەوەشخراوەتە ڕوو، ئەم بەیانییە هێزە ئەمنییەکان لە شاری مێردین بەردەم بیانی گەورەشارەوانیی شارەکەیان گەمارۆدا و فەرمانی وەزارەتی ناوخۆیان لەبارەی دانانی قەیووم گەیاندووەتە ئەحمەد تورک، هاوسەرۆکی گەورەشارەوانیی مێردین، لە شوێنیان قەیووم بۆ شارەوانی ئێلیها و خەلفەتیش دانراوە.

وەزارەتى ناوخۆى تورکیا لەبارەی دورخستنەوەی ئەو سێ سەرۆک شارەوانییە رایگەیاندووە، هەرسێ سەرۆکشارەوانییەکە بانگەشەیان بۆ تیرۆر کردووە و ئەندامى رێکخراوى تیرۆریستین.

هاوکات، ئەم سێ شارەوانییە هەرسێکیان سەر بەدەم پارتین و لەلایەن خەڵکانی کوردەوە هەڵبژێردراون.