ئەنجوومەنی وەزیرانی عێراق داواكارییەكانی كورد لەبارەی سەرژمێری تاوتوێدەكات
SNN-
ئەمڕۆ ئەنجومەنی وەزیرانی عێراق كۆدەبێتەوە و داواكارییەكانی حكومەتی هەرێم لەبارەی پرسی ئەنجامدانی سەرژمێری گشتی دانیشتووان تاوتوێدەكات.
بڕیارە ئەمڕۆ ئەنجومەنی وەزیرانی عێراق كۆببێتەوە و یەكێك لە تەوەری كۆبوونەوەكەش تاوتوێكردنی داواكارییەكانی حكومەتی هەرێمی كوردستانە سەبارەت بە ئەنجامدانی سەرژمێری گشتی دانیشتووان كە بڕیارە لە 20 و 21ی ئەم مانگە لە عإراق و هەرێمی كوردستان بەڕێوەبچێت.
داواكارییەكانی كورد پێكهاتوون لەوەی كە لە سەرژمێری دانیشتواندا هاووڵاتغیان لەسەر شارەكانی خۆیان تۆماربكرێن، لەبەر روونەدانی گۆڕانی دیموگرافی بەتایبەت لە ناوچە كوردستانییەكانی دەرەوەی ئیدارەی هەرێم، هەروەها نوێنەری حكومەتی هەرێم لە سەنتەری داغڵكردنی داتاكان لە بەغداد ئامادەیی هەبێت.
ئەو كۆبوونەوەیەش دوای ئەوەدێت كە رۆژی پێنجشەممەی رابردوو وەفدی هەرێم لەگەڵ د. لەتیف رەشید سەرۆككۆمار و محەمەد شیاع سودانی سەرۆك وەزیرانی عێراق كۆبوونەوە و ئەو دوو داواكارییەیان خستەڕوو، لەبەرامبەر سودانیش وەفدەكەی هەرێمی دڵنیاكردەوە كە لە كۆبوونەوەی ئەنجومەنی وەزیران داواكارییەكان دەكەنە بڕیار.
