ترەمپ دەیەوێت بەزووترین کات سودانی ببینێت

SNN

بەپێی راگەیەندراوێکی مەکتەبی سەرۆکوەزیرانی عێراق محەمەد شیاع سودانی، رۆژی هەینی سەرۆکوەزیرانی عێراق پەیوەندییەکی تەلەفۆنی بە دۆناڵد ترەمپەوە دەکات، وەک پیرۆزبایی بۆ دووبارە دەستبەکاربوونەوەی وەک سەرۆکی ئەمریکا.

سودانی لە پەیوەندییە تەلەفۆنییەکەیدا پیرۆزبایی لە دۆناڵد ترەمپ و گەلی ئەمریکا کردووە بۆ ئەو سەرکەوتنە گەورەیە، هەردوولاش جەختیان لە دیدارێک کردەوە کە لە نزیکەوە پەیوەندییەکانی نێوان هەردوو وڵات زیاتر بەرەو پێشەوە ببات، لەگەڵ گرنگیدان بە کەرتەکانی، ئابووری، داهات، وزە و تەکنەلۆجیا.

هەر بەپێی راگەیەندراوەکەی سەرۆکوەزیرانی عێراق، سەرۆکی ئەمریکا حەز بە کاری گرنگ هاوبەش دەکات لەگەڵ سەرۆکوەزیرانی عێراق، وە بەزووترین کات چاوپێکەوتنی لەگەڵ ئەنجام بدات و پەیوەندییەکانی نێوان هەردوو وڵات پتەوتر بکرێت، لەگەڵ کارکردن لەسەر تەواوی دۆسییە هاوبەشەکان.

شایەنی ئاماژە پێکردنە دوای دەرچوونی ترەمپ ئەمە یەکەم پەیوەندییە تەلەفۆنییە کە ناوبراو ئەنجام دەدات.