خشتەی بودجەی ساڵی 2025 ئامادە دەكرێت ئەگەر هەیە کورتهێنان هەبێت

SNN

سەبارەت بەئامادەكردنی خشتەی بودجەی ساڵی 2025 روونكردنەوە دەدرێت و لەو بارەیەوە عەتوان عەتوانی سەرۆكی لیژنەی دارایی لە ئەنجومەنی نوێنەرانی عیراق رایگەیاند، ئیستا حكومەت سەرقاڵی ئامادەكردنی خشتەی بودجەی ساڵی 2025 ەو ئەگەریش هەیە كورتهێنان هەبێت، ئاماژەی بەوەشدا ئەم هەنگاوە بەئامانجی بەدیهێنانی گەشەپێدان و زیادكردنی داهاتە نانەوتیەكان و سەقامیگری زیاترە لە ئابووری وڵاتدا.

باسی لەوەشكرد، پێویستمان بەداهاتی نانەوتی زیاترە چونكە بودجەی بەكاربردن خەریكە درێژدەبێتەوە بۆ بودجەی وەبەرهێنان، ئەوەش بارگرانی بۆ بودجە زیاد دەكات و ئامانجەكانی سنووردار دەكات.

لەبەشێكی تری وتەكانیدا عەتوان عەتوانی ئاشكرایكرد،حكومەت بەردەوامە لە گێڕانەوەی ئەو قەرزە دەرەكییانەی لەسەریەتی، لەبەرامبەر ئەوەدا چەندین پرۆژەی خزمەتگوزاری چووەتە بواری جێبەجێكردنەوە هەندێكی تریش لەقۆناغی دەستپێكردندان كە ئەمانەش كاریگەریی هەبووە لەسەر بودجە و خەرجییەكانی هەر بۆیە چاوەڕێ دەكرێت هاوشێوەی ساڵی رابردوو كورتهێنان لە بودجەدا هەبێت.