لەسەر داوای مەسرور بارزانی مەسعود حەیدەر لە پۆستەکەی لادرا
SNN-عەلی حەمە سەعید
لەسەر داوای مەسرور بارزانی سەرۆكی حكومەتی هەرێم، بریكاری وەزیری دارایی عێراق لە پۆستەكەی لادراو لە جێگەی كەسێكی دیكەی متمانەپێكراوی خۆی داناوە، هاوكات ئەمڕۆش فەرمانی دەستبەكار بوونی بۆ دەركراوە.
بەگوێرەی ئەو زانیارییانەی كە لە وەزارەتی دارایی و ئابووری حكومەتی هەرێم دەست SNNكەوتوون ئەوە خراوەتەڕوو، لەسەر داوای مەسرور بارزانی كە ئاراستەی محەمەد شیاع سودانی كردووە، داوایكردووە بە گۆڕینی ( مەسعود حەیدەر) لە پۆستی بریكاری وەزیری دارایی عێراق.
ئاماژە بەوەشكراوە، هەر لەسەر داوای مەسرور بارزانی ( ڕێباز حەملان) وەزیری دارایی كابینەی پێشووی حكومەتی هەرێم و ڕاوێژكاری ئێستای سەرۆكی حكومەت لە جێگەی دانراوە و ئەمڕۆش فەرمانی دەستبەکاربوونی بۆ دەركراوە.
هەر لە زانیارییەكانی SNNئەوەشهاتووە كە سەرۆكی حكومەت لەلایەك لە ئەدای مەسعود حەیدەر ڕازی نەبووە كە ئەو پۆستەی وەرگرتووە لەلایەكی دیكەشەوە ئەو ئامانجەی هەبوو كە كەسێكی متمانە پێكراوی نزیك لە خۆی بخاتە ئەو پۆستەوە.
