وەزیری پێشووی گواستەوەی عێراق سزای سێ ساڵ زیندانی بەسەردا سەپێندرا

SNN

ئەمڕۆ دەستەی دەستپاکیی عێراق لە راگەیەندراوێکدا ئاماژە بەوە دەکات، دادگای تاوانەکانی رەسافە لە بەغداد، کە تایبەتمەندە بە کەیسەکانی دەستپاکی، بڕیارێکی بە غیابی دەرکرد لە دژی سزادراوی هەڵاتوو وەزیری پێشووتری گواستنەوەی عێراق، کازم فنجان حسێن، و سێ ساڵ زیندانیکردنی بەسەردا سەپێندراوە بەهۆی پێشێلکردنی دەسەڵات و ئەرکەکەی.

دەشلێت، سزاکە بەهۆی سەرپێچیکردنە لە گرێبەستەکانی دابینکردنی سووتەمەنی فڕۆکە بۆ فڕۆکەکانی هێڵی ئاسمانی عێراقی کە لە وێستگە بیانییەکان ئەنجامدراوە.