ترەمپ پۆستێکی حکومی بە مەسک دەدات

SNN

سەرۆکی هەڵبژێردراوی ئەمریکا، بەڵێنیداوە هەریەکە لە ئیلۆن مەسک و ڤیڤیک راماسوامی سەرمایەدار دەکاتە بەرپرس لە بەڕیوەبەردنی یەکێک لە وەزارەتەکانی حکومەتەکەی.

بەگوێرەی میدیاکانی ئەمریکا، دۆناڵد ترەمپ، سەرۆکی هەڵبژێردراوی ئەمریکا، بەڵێنیدا بەوەی هەر یەک لە ئیلۆن مەسک و ڤیڤیک راماسوامی، سەرمایەدار، بەرپرس دەبن لە بەڕێوەبردنی یەکێک لە وەزارەتەکانی بە ناوی ”کارامەیی حکومەت” کە وەزارەتێکی تازەیە و کاردەکات بۆ کەمکردنەوە بەهەدەردان.

هاوکات، ترەمپ لە تۆڕى کۆمەڵایەتیی (تروس سۆشیال) بڵاویکردووەتەوە، ئەو دوو کەسەی هەڵیبژاردون بۆ بەرێوەبردنی وەزارەتەکە کار دەکەن بۆ کەمکردنەوەی خەرجیەکان و دووبارە هێڵکاری وەزارەتە فیدڕاڵییەکان بنیاد دەنێنەوە.

ترەمپ لەبارەی وەزارەتە نوێیەکەوە رایگەیاندووە، وەزارەتەکە یەکێک دەبێت لە هەرە گرنگەکانی حکومەتەکەی و وەک پڕۆژەی بۆمبی ئەتۆمی ئەمریکا وەسفی کرد.

هاوکات جگە لە ئیلۆن مەسک، دۆناڵد ترەمپ بێت هێگستی، ئەفسەری پێشوی پاسەوانی نیشتمانی ئەمەریکا و پێشکەشکاری کەناڵی فۆکس نیوز کاندید دەکات بۆ پۆستی وەزیری بەرگری.