ئەمڕۆ یەکەم قۆناغی سەرژمێری گشتیی دانیشتووان دەستپێدەکات

SNN

ئەمڕۆ یەكەم قۆناغی پرۆسەی سەرژمێری گشتی لە هەرێم و عێراق دەست پێدەكات و تیمەكان سەردانی ماڵی هاووڵاتیان دەکەن و داتای تەواوی ئەندامانی خێزانەکان وەردەگرن.

بەپێی ئەو پلانەی بۆ سەرژمێری گشتی داڕێژراوە، بڕیارە ئەمڕۆ هەینی تیمەكانی سەرژمێری گشتی سەردانی ماڵان بكەن و تا 19ـی مانگ وەك قۆناغی یەكەمی پرۆسەی سەرژمێری گشتیی لە عێراق و هەرێم بەردەوام بێت.

هاوکات، لەم قۆناغەدا تیمەكانی سەرژمێری سەردانی ماڵەكان دەكەن و ژمارەی ئەندامانی خێزانەكان تۆمار دەكەن، چەندین پرسیاریان لێدەکەن کە نزیکەی 70 پرسیار دەبێت.

لە 20 و 21ی ئەم مانگه سەرژمێری گشتی لە عێراق و هەرێمی كوردستان ئەنجام دەدرێت، ئەو دوو رۆژە دەبێتە قۆناغی دووەمی پڕۆسەکە کە زیاتر بۆ دڵنیابوونەوەیە لە وەرگرتنی داتا و زانیارییەکان، دوابەدوای ئەوە پڕۆسەی سەرژمێری کۆتایی دێت و لە  دوای هەفتەیەک ئەنجامەکان رادەگەیەنرێت جگە لە ناوچە جێناکۆکەکان نەبێت.