شەپۆلێکی سەرما و بەفر ئەم هەفتەیە روو لە هەرێم دەکات

SNN

ئەمڕۆ هەینی 22ی تشرینی دووەمی 2024 محەممەد کەمال، شارەزای کەشناسی راگەیاند، “پێشبینی دەکرێت لە شەوی 24/25ی ئەم مانگە شەپۆلێکی بارانبارینی مامناوەند بۆ باش لە دەریای نێوەڕاستەوە بگاتە هەرێمی کوردستان و سەرجەم ناوچەکان بگرێتەوە. چەقی بارانبارینەکە رۆژی 25ی مانگ دەبێت.”

محەممەد کەمال دەڵێت، “هەر رۆژی 25ی مانگ بارستە هەوایەکی سارد روو لە هەرێمی کوردستان دەکات و تێکەڵ بە شەپۆلەکە دەبێت. پێشبینی دەکرێت پلەی گەرما لە هەموو ناوچەکاندا نزیکەی 11 پلە دابەزێت، بە جۆرێک کە لە هەندێک شوێن بە رۆژدا لە خوار 6 پلەی سیلیزی و لە شەویشدا بۆ چەند پلەیەکی خوار سفری سیلیزی داببەزێت.”

بە وتەی ئەو شارەزایەی کەشناسی، “پێشبینی دەکرێت 15 بۆ 50 میلیمەتر باران ببارێت و لە ناوچە شاخاوییەکانیش پێشبینی بەفربارینێکی زۆر دەکرێت.”

محەممەد کەمال داوا لە هاونیشتمانیان دەکات “خۆیان بۆ هاتنی ئەو شەپۆلە سەرما و سۆڵەیە ئامادە بکەن”.