سودانی بڕیاری زیادکردنی مووچەی فەرمانبەرانی واژۆکرد

SNN

سەرۆکوەزیرانی عێراق لە کۆبوونەوەی ئەنجوومەنی وەزیراندا کە تایبەت بوو بە خستنەڕووی پێشهاتەکانی بارودۆخی وڵاتەکە، بڕیاری زیادکردنی مووچەی ئەو فەرمانبەرانەی واژۆکرد کە لە ئەرکی خۆیاندا کاتی زیاتر کاردەکەن.

ئەمڕۆ چوارشەممە 4ی کانوونی یەکەم، محەمەد شیاع سودانی، سەرۆکوەزیرانی عێراق، کۆبوونەوەی49ی ئەنجومەنی وەزیرانی ئەنجامدا و تیایدا ڕەشنووسی دیاریکردنی کرێی کارکردنی زیاتر لە کاتی ئاسایی هەفتانەی فەرمانبەران ئیمزاکراد.

بەگوێرەی رەشنوسەکە زیادکردنی مووچەی فەرمانبەران بەمجۆرە دەبێت، فەرمانبەرانی پلە یەک تا پلە چوار پێنج هەزار دینار و پلە پێنج بۆ سەرەوە چوار هەزار دینار بۆ کاتژمێرێک خەرج دەکرێت.

هاوکات، ئەنجومەنی وەزیران وەزارەتی دارایی ڕاسپارد بە دابینکردنی 31 ملیار دینار لە یەدەگی خزمەتگوزاری بۆ وەزارەتی ناوخۆ بە مەبەستی ڕووبەڕووبوونەوەی ئاستەنگە ئەمنییەکان.