بەغدا 430 ملیار دیناری دیکە بۆ مووچەی فەرمانبەرانی هەرێمی کوردستان دەنێرێت
مووچە بودجە
SNN-
لە بەغداد 430 ملیار دینار لە پشكی بودجەی هەرێم گواستنەوەی پێكراوە بۆ ئەوەی كورتهێنانی مووچەی پێ پڕبكرێتەوە و بڕیارە سبەینێ ڕێكارەكانی گواستنەوەی پارەكە دەستپێبكات.
سەرچاوەیەك لە وەزارەتی دارایی هەرێمی كوردستان بە كوردسات نیوزی راگەیاندوە، ئەمڕۆ لە بەغداد 430 ملیار دینار، لە بابی ژمارە نۆی تایبەت بە پارەی تەرخانكراوە بۆ چاودێری كۆمەڵایەتی بۆ بابی ژمارە یەک، گواستنەوەی بۆ كراوە لە پشكی بودجەی هەرێمی كوردستان بۆ ئەوەی ئەو كورتهێنانەی پێ پڕبكرێتەوە كە لە دابەشكردنی مووچە دروستبووە.
ئەو سەرچاوەیە ئاماژەی بەوەشکردووە کە بەهۆی ئەوەی ئەمڕۆ لە بەغداد پشووە، سبەینێ چوارشەممە دەست بە ڕێكارەكانی گواستنەوەی ئەو پڕە پارەیە دەكرێت.
پێشتر وەزارەتی دارایی عێراق بڕیاریدا 761ملیار دینار بۆ مانگەكانی (12,11,10)، رەوانەی هەرێم بكات، بەڵام وەزارەتی درایی دەڵێت، ئەو بڕە پارەیە بەشی مووچە ناكات و 235 ملیار دینار كورتهێنان دروستبووە، چونكە هەرێم بۆ هەر مانگێك پێویستی بە 996 ملیار دینارە بۆ دابەشكردنی مووچە.
