حکومەتی هەرێمی کوردستان لەسەر مووچە کۆدەبێتەوە
کۆبوونەوەی ئەنجوومەنی وەزیرانى حكومهتى ههرێمى كوردستان | فۆتۆ: KRG
SNN-
ئەمڕۆ چوارشەممە ئەنجوومەنی وەزیرانی حکومەتی هەرێمی کوردستان لەسەر مووچە و رووداوەکانی سوریا کۆدەبێتەوە.
لە کۆبوونەوەی ئەمڕۆ ئەنجوومەنی وەزیرانی کوردستان چوار تەوەر گفتوگۆی لەبارەوە دەکرێت کە بریتین لە:-
یەکەم: دوایین پێشهاتەکانی مووچەی مووچەخۆرانی هەرێمی کوردستان، هەموارکردنەوەی یاسای بودجەی گشتیی فیدڕاڵ و خشتەکانی هاوپێچی یاساکە بۆ ساڵی دارایی 2025.
دووەم: خستنەڕووی پێشنیاری هاوتاکردنی ناونیشانی وەزیفی فەرمانبەرانی هەرێمی کوردستان لەگەڵ حکومەتی فیدڕاڵی، کە ژمارەیەک ناونیشانی وەزیفی نوێ تۆمارکراون و هەندێکی دیکە هەڵوەشێنراونەتەوە.
سێیەم: خستنەڕووی ڕاپۆرتێک لەبارەی دۆخی پێکهاتەکان لەلایەن وەزیری هەرێم بۆ کاروباری پێکهاتەکان.
چوارەم: تاوتوێکردنی دوایین پێشهات و ڕووداوەکانی ئەم دواییەی سووریا.
